Mga Bahagi ng Pananalita: Kahulugan at Halimbawa

Ang bahagi ng pananalita (parts of speech) ay ang pangkat na kinabibilangan ng bawat salita ayon sa gamit nito sa pangungusap. Sa balarilang Filipino, karaniwang itinuturo ang sampung bahagi ng pananalita, na nahahati sa dalawang pangkat: mga salitang pangnilalaman at mga salitang pangkayarian. (Sa ilang aklat, walo lamang ang binibilang.)

Mga salitang pangnilalaman

Bahagi ng pananalita	Sa Ingles	Gamit	Mga halimbawa
Pangngalan	Noun	Ngalan ng tao, hayop, bagay, pook o pangyayari	bata, aso, lapis, Maynila, kaarawan
Panghalip	Pronoun	Pumapalit sa pangngalan	ako, ikaw, siya, ito, sila
Pandiwa	Verb	Nagsasaad ng kilos o galaw	tumakbo, kumakain, magsusulat
Pang-uri	Adjective	Naglalarawan sa pangngalan o panghalip	maganda, matamis, tatlo
Pang-abay	Adverb	Naglalarawan sa pandiwa, pang-uri o kapwa pang-abay	mabilis (tumakbo), kahapon, doon

Mga salitang pangkayarian

Bahagi ng pananalita	Sa Ingles	Gamit	Mga halimbawa
Pangatnig	Conjunction	Nag-uugnay ng salita, parirala o sugnay	at, o, ngunit, dahil, kung
Pang-angkop	Ligature	Nag-uugnay ng panuring at tinuturingan	na, -ng, -g
Pang-ukol	Preposition	Nag-uugnay ng pangngalan o panghalip sa ibang salita	sa, ng, para sa, ayon kay, tungkol sa
Pantukoy	Article / marker	Tumutukoy sa pangngalan	ang, ang mga, si, sina
Pangawing	Linking word	Nag-uugnay ng simuno at panaguri	ay

Halimbawa: suriin ang isang pangungusap

“Ang masipag na bata ay nag-aral kagabi dahil may pagsusulit siya.”

Salita	Bahagi ng pananalita
Ang	Pantukoy
masipag	Pang-uri
na	Pang-angkop
bata	Pangngalan
ay	Pangawing
nag-aral	Pandiwa
kagabi	Pang-abay
dahil	Pangatnig
pagsusulit	Pangngalan
siya	Panghalip

Mga aralin sa bawat bahagi ng pananalita

Basahin din: mga uri ng teksto, mga elemento ng maikling kwento at mga uri at bahagi ng liham.