Ang Tatlong Biik

Noong unang panahon, may tatlong biik na magkakapatid na nagpasya na magtayo ng kanilang sariling mga bahay upang makaiwas sa masamang lobo na laging nag-aabang sa kanila.

Ang Unang Biik

Ang unang biik ay tamad at gustong matapos agad ang kanyang bahay. Kaya’t gumamit siya ng dayami para sa kanyang bahay. Matapos niyang itayo ito, agad siyang pumasok at nagpakasaya.

Ang Ikalawang Biik

Ang ikalawang biik ay mas sipag ng kaunti kaysa sa una, pero gusto rin niyang matapos agad. Kaya’t nagdesisyon siyang gumamit ng kahoy sa pagtatayo ng kanyang bahay. Nang matapos na ito, pumasok din siya at nag-relax.

Ang Ikatlong Biik

Ang ikatlong biik ay masipag at matalino. Alam niyang kailangang matibay ang kanyang bahay para hindi basta-basta magiba ng lobo. Kaya’t gumamit siya ng mga bato at semento sa pagtatayo ng kanyang bahay. Matagal bago siya natapos, pero sigurado siyang matibay ang kanyang tahanan.

Dumating ang Lobo

Isang araw, dumating ang masamang lobo. Nakita niya ang bahay ng unang biik na gawa sa dayami. Lumapit siya at sinabing, “Biik, biik, papasukin mo ako, kung hindi, hihipan ko ang bahay mo!” Tumanggi ang unang biik kaya’t hinipan ng lobo ang bahay. Madaling nagiba ang bahay ng dayami at tumakbo ang unang biik papunta sa bahay ng kanyang kapatid.

Sunod na nilapitan ng lobo ang bahay ng ikalawang biik na gawa sa kahoy. Sinabi rin niya, “Biik, biik, papasukin mo ako, kung hindi, hihipan ko ang bahay mo!” Tumanggi ang ikalawang biik kaya’t hinipan ng lobo ang bahay. Nagiba rin ang bahay ng kahoy at tumakbo ang dalawang biik papunta sa bahay ng kanilang kapatid.

Sa Matibay na Bahay ng Ikatlong Biik

Dumating ang lobo sa bahay ng ikatlong biik na gawa sa bato at semento. Sinabi niya, “Biik, biik, papasukin mo ako, kung hindi, hihipan ko ang bahay mo!” Tumanggi ang ikatlong biik kaya’t hinipan ng lobo ang bahay. Pero kahit anong hipo at pagsikap ng lobo, hindi magiba-giba ang bahay.

Napagod at nawalan ng pag-asa ang lobo, kaya’t umalis na lamang siya. Ang tatlong biik ay nagdiwang at natutunan nila ang halaga ng pagsisikap at paggawa ng matibay na bagay.

Mula noon, namuhay sila nang masaya at ligtas sa kanilang matibay na bahay.

Iba pang mga PABULA

Baka Gusto Mo Ring Basahin